Grátleg byrjun á góðum fundi

Saman eru komnir  um 1700 fulltrúar stærsta flokk landsins sem er að berjast fyrir að komast til valda á Islandi. Var eiginlega að búast við einhverjum góðum tillögum um atvinnumál,peningamál,heilbrigðismál eða önnur þjóðhagsleg mál. Bágt á ég með að trúa því að allir þessir ágætu fulltrúar hafi í hjarta sínu trú á að aukin áfengisneysla bæti kjör þjóðarinnar eða hver er tilgangur þess að auka aðgengi að áfengiskaupum sem gerir lítið annað en að auka neysluna?

Skora á  Landsfundarfulltrúa að  afturkalla þessa samþykkt og snúa sér að efnahagsmálum.

 

18 ára megi kaupa áfengi

Athugasemdir

[Jósef Smári Ásmundsson, 23.2.2013 kl. 23:00]

Sammála þessu.Þetta er ekki mál málanna.

[Sigurður Kristján Hjaltested (IP-tala skráð) 23.2.2013 kl. 23:26]

Eigum við bara ekki að afnema þann rétt sem fólk öðlast við átjánárin..???

Sjálfræði og kosningar...???? 

Í minni tíð var ég sjálfráða 16 ára gamall og þótti það þá alveg sjálfsagt.

Ef við ætlum að standa við það að börn, séu börn fram til 18ára aldurs

og borgum meðlög fram til þess. Hvenær vilt þú þá aðskilja þann tíma 

sem fólk er orðið sjálfráða eða ekki...???? Annað hvort ert þú sjálfráða og

mátt kjósa um það sem þú villt og gifta þig o.s.f.rvg.  Ef þú máttt það, ert þú

fullgildur meðal fullorðna. Ef línan er sú, að þú megir gera allt annað, en

að kaupa áfengi, Þá finnst mér að viðkomendur ættu ekki heldur að hafa

kosningarrétt.  Frábært..!! Eigum við bara ekki að framlengja barnaldurinn til

 tvítugs. Og meðlögin líka...??

Hvar viltu draga línuna...?? 

[Jón G (IP-tala skráð) 23.2.2013 kl. 23:59]

Forræðishyggjan segir 20 ár eðlileg skynsemi segir 18 ár.

[Sigurður Helgason, 24.2.2013 kl. 00:04]

  eðlileg skynsemi segir að færa sígaretturnar upp á borð, lækka verð og leyfa reykingar á börum aftur, þetta er ekkert annað en rugl að láta aðra um að stjórna sér,hass og önnur eiturlyf á kaffihúsin, lifum við ekki í frjálsu landi?

[Sumarliði Einar Daðason, 24.2.2013 kl. 09:41]

Tek undir með Sigurði Kristján. Þetta er spurning um mannréttindi en ekki forræðishyggju. Ef þessi skekkja á mannréttindum er ekki lagfærð þá getum við alveg eins tekið kosningaréttinn af konum og svartir mega ekki láta sjá sig utan Keflavíkurvallar.

[serious (IP-tala skráð) 24.2.2013 kl. 11:37]

Tek undir með Sigurði. En munið þið þegar plastpokarnir úr ÁTVR voru kolsvartir og með hvítum krossi á? Eihvað forvarnarbull. Ég skal næstum því kjósa Sjálfstæðismenn ef að þeir opna á sölu bjórs og léttvíns í verslunum .... uhhhh NOT!

[Jón Flón (IP-tala skráð) 24.2.2013 kl. 12:21]

Ég skil ekki. Þið segið að forræðishyggjan sé bull og að forvarnir séu líka bull. Í ykkar huga, hvað er þá ekki bull? Fullkomið frelsi til alls án upplýsinga og afleiðinga?

[Sumarliði Einar Daðason, 24.2.2013 kl. 12:44]

Mér finnst mikilvægt að jafna mannréttindi fullráða einstaklinga. Svo lengi sem ekki er verið að tala um sérhæfð störf eða stjórnun tækja þá á ekki að vera hægt að banna einum aðila eitt á meðan aðrir mega það.

Hins vegar má ekki slá slöku við forvarnir. Það er og verður alltaf eilífðarverkefni, hvort sem það er varðandi áfengisfíkn eða aðra fíkn.